!™®§» ®مجموعة الابـــداع ®«§®™! - الشايب والوانيت‎ ههههههههههه

 

 

 

---

 

الشايب والوانيت يسولفون عن شايب نوى يشتري له وانيت علشان يسقي الحلال , وذالشايب متقاعد وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وانيت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وانيت واقف. عجب خوينا الشايب نظر هالوانيت وهو ماشاء الله يبرق من بعيد ووقفته شي عجيب , قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو بغالي. ولا ذاك الرجال ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوانيت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم قالها طخوا كلهم و سكتوا..!..وهجدوا..!!..والتفتوا عليه!!! يناظرونه..و يناظرون بعضهم..وعقبها تغامزوا عليه وينقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك بمليون ريال الحين , ذالحزه بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا..وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري  وش السالفه!!!. طيب وش العلم علمني ..؟؟ ويوم علمه بالسالفه .    أثر ذا الجماعة يحرجون على المخطط ( الأرض )   وواقفين بالصدفة جنب الوانيت اللي جايبينه يرشون به الأرض علشان يبدأون المزايدة والحراج من بدا اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم. وهم بعد أخترشوا معاه .. يحسبونه هامور وبيلطش عليهم المخطط ..قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره  عجزت وأنا اجمع خمسة وثمانين ألف ويجيني ذا الرزق من الله  فسبحان الله مقسم الأرزاق على عباده. الرزق مثل الأجل يتبعك ****** الله يرزقنا بس بمخطط بالغلط !! اقووول ماحولكم وانيت للبيع هههههههههه....

__._,_.___

 

 

--
لقد تلقيت هذه الرسالة لأنك مشترك في مجموعات Google‏
مجموعة " الابــداع البريدية".
لإرسال هذا إلى هذه المجموعة، قم بإرسال بريد إلكتروني إلى
al3shq9@googlegroups.com
لإلغاء الاشتراك في هذه المجموعة، ابعث برسالة إلكترونية إلى
al3shq9+unsubscribe@googlegroups.com
لخيارات أكثر، الرجاء زيارة المجموعة على
http://groups.google.com/group/al3shq9?hl=ar?hl=ar
 
اتمنى لكم قضاء اجمل الاوقات ومشاركتنا بكل ماهو مفيد