«---•}I|[مجموعة الابـداع]|I{•---» كـشـتـة وحــدة مـع زوجــهــا (ياااااااااي)

 

 

 

     دايم ماتجيني وتجيكم صور كشتات وروحات وجيات ومصدرها رجال وشنبات

 

خلونا نشوف كيف حواء تسولف لنا عن الكشتات 

 

 

    

بسم الله الرحمن الرحيم
أما قبل ..
هههه
يوم برينا بالبر او بربرنا بالبر .. هههه ( اقصد يوم رحنا للبر ) انا وماي هازبند ( زوجي )
جهزنا اغراضنا .. وطبعا لازم نقضي بطاطسات وحلويات ( بطاطسات ..!!؟؟ مدري هي جات كذا )

كشتتنا المنحوسه .. هههه بعدين اقلكم ليش منحوسه
مدة الكشتة 16 ساعه .. على فرشه فاخرة تطل على مناظر خلابه مع الإفطار .. !
مشينا تقريبا الساعه ثمان الصباح .. وقعدنا الى الساعه 12 بالليل ( كان بنص الشهر يعني جلسه على ضوء القمر قمة بالروووعه )

أميرة الطلعه / بحبوحه .. احم احم
الطباخ / زوجي .. ماي هازبند

الكشتة هذه كان أبرز ما فيها
أكلنا أكل مو طبيعي في هالطلعة من البرد .. آخر الوقت صرنا نقطع من جذع الشجر ونغطها في الحليب من الجوع
ياكثر ما اكلنا هههه

المهم هذه اغراضنا وجهزناها

وركبنا السياره ودعينا دعاء ركوب الدابه ودعاء السفر وانطلقنا

يلا الحين ..
..
ناخذ جوله تعريفيه على بيتنا ( مكان كشتتنا )
وربي من كثر ماهو روووعه ان ما في احد يمكم تقدرين حتى تزلين العبايه وتاخذين راحتك وانطلللقي في المكان بكل حريه
وراح تلاحظون تغير المكان في بعض الصور .. لان كنا جالسين بمكان وعشان الشمس والنمل وماقدرنا نشب النار .. اضطرينا نغير مكانا وطلع احلى من المكان الاول
المهم خلينا بالجوله التعريفيه
اول ما وصلنا نزلنا اغراضنا
ونبدأ بالمطبخ ههه ..

هذا المطبخ ..

وهذه الزباله ( اكركم الله )
وش رايكم بس فيها ككككك

وهنا غرفة المعيشه

وهذه غرفة المعيشه بعد ماغيرنا مكاننا

هذه ساعدتني وانا ارتب غرفة المعيشه .. ترتب معي

غيرنا مكاننا يمكن ثلاث مرات عشان الشمس هههه

هنا المغسل ههههه

 

وبدينا نجهز الفطور

 

شكشوكه على الحطب .. عجيييييبه وشاهي طبعا .. واحلى فطور ..

 

انا بدأت اجهز الشكشوكه

 

 

وزوجي كالعاده يشب النار ويسوي الشاهي

 

 

 

 

 

 

ههههه
لا تضحكون علي
شوفوا وشلون اكل الصامولي لازم انزل العجين اللي بوسط الصامولي ما احبوووش ههههه

 

 

8
8
.. كان فيه فطور ..

 

الضحى ..

 

حطينا القهوه العربيه

 

 

واحلى قهوه مع جو رااااااائع وسواليف حلوه ..

 

 

وتغميسه حلوه .. غطسي التوكس بفنجال القهوه عذااااااااااااااااب هههه

 

 

وهذه يقال انها غزل البنات بس مدري وش سخطها كذا ..

 

 

وبما انه كان يوم جمعه فلازم نقرأ سور الكهف

 

 

وقهوه مع رافايلو ( نقاوه طعم حلم ) هههه

 

 

وجلسه على الجرايد ولا احلى ...

 

..

 

 

الغدا ..
الحين تعرفون ليش قلت طلعتنا منحوسه ههههه

بدأ زوجي بيطبخ الغدا .. وطلب مني اجهز له بعض الاشياء

وجهزتها ..

هذا الاشياءجهزتها .. والشاهي مو من المقادير هذا للمخمخه بس هههه

وكشنا البصل

واللحم والطماطم .. لا تستغربون من اللحم .. مو لحم كبسه صح
بس انا عشان ما اكل اللحم .. << نباتيه الاخت .. امزززح بس اللحم ما احبه الا مفروم
فاذا مع الكبسه لازم يكون نظيف من الشحم والعظم ..!!

..

انتهينا ..

وبعدها غطينا القدر ونحط على راس فرته كاسه شاهي مثل ما تشوفون

وبدأت انااجهز السلطه

انتهت السلطه

 

وقمنا نلعب شوي

جبنا الكيرم وما لعبنا

وسويت لكم هذه اهداااء ..

B .. حرفي بحبوحه هههه

وزوجي انشغل شوي بعمله .. وفتحت عالم حوااااء

عالم حواء وهو بالبر ؟؟ رهيب صح

وهذا اهداء لعالم حواء بعد ..

ولعبنا اونو <<< اموت فيها احب العب اونو بجنووووووون .. ما صورتها

وبعدنا لعبنا بالطياره الورقيه

وهنا الطياره .. اعجبت برجال حلوو موت ويهبل وشعره كدش وراحت عنده ..

وبعها دااااخت من جمال الكدش و قدر الله عليها وصارت سياره

والحين عاد مع العصريه تحلا السوالف مع الشاهي والقهوه

وهنا انا عادتي اذا كليت الرافايلوا ما احب حبة البندق اللي بوسطها .. عاد حطيتها للنمل

هنا حطيت وجا النمل الصغير عليها

وجاتهم هالملقوفه الكبيره عندهم ..

حطيت وحده ثانيه للنمل الكبير

وجلسنا على القهوه العربيه والسوالف الحلوه .. وغدانا على النار

وبعد ما انتهت اللحمه

حطنا الرز

وانا من زمااااان ودي اذوق وشلون زوجي يطبخ الكبسه دايم يحكينا انها رووووعه وكان نفسي اذوقها من يدينه ههههه

قرب ينتهي الرز .. وكشفت عليه .. وكان تمام .. وجا هو يذوقه .. وقال لا حب الرز ما استوى وانا اقله لا والله تمام نسكر عليه القدر شوي ويجي تمام .. وهو اصر الا يحط عليه ماء .. ههههههههه انا تركته وقلت خليه ما همني مثل ما يبي يسوي ههههههههههه

والنتيجه ...

كبسة جريش معدس ههههه

بس قهر ما صورت قبل الاكل فضيحه والله الرز مدري وشلون صاير .. والا اول مره اشوف كبسه لونها اسود مدري بني هههههههههه صايره كانها كبسة سليق ولا كبسة جريش مدري .. بس المهم اكلناها
شوفوا وشلون ياكل هههههههه
صحن السلطه كله حطه على الرز ههههههههههه
يوه وربي مجنوووون

..

وهذا بيبسي من ابو ريال ونص .. هههه
زوجي يقل لي صوريه عشان يقلون علينا عيال نعمه نشتري البيبسي بريال ونص
وربي مجنووووووووووووووون

..

هنا بعض الصور

جانا مطر .. امزززح .. انا حطيت قطرات ماء وصورتها

وكالعاده امارس هوايتي المفضله .. متابعة الخنافس ههههه

..

ما تلاحظون طلعتنا كلها اكل

هههههههههه
والله البرد وما يسوي بس ناااااااااااااكل

والله من البرد والود ودك تحشين جلستك جمر .. والا تتحضنين حطبه تتدفين فيها ..برررررررررد
القمر بالعصر وقت الغروب .. رهييييييييييييب وقمة الرومانسيه ..

المهم وقت الغروب والاجواء الحلوه .. سوينا قهوه تركيه

مكسرات وقهوه تركيه ؟؟ ما تجي صح ؟؟ ولا وبطاطس بعد هههه

يتبع

الحين بعد العشاء .. وعلى ضوء القمر

تحلا السوالف والحشششششششش

استغفر الله بس ههه




ندور شي داافي نشربه ..

وانا حبيت اشرب نسكافه 3×1
وزوجي .. شاهي عدني ..





وهذه صور القمر وش حلاااتهااااااااااا










وهذه من جنب بيتنا ..



والحين خلاص بااااي خلصنا ..

 

--
لقد تلقيت هذه الرسالة لأنك مشترك في مجموعة " الابــداع البريدية".
لإرسال هذا إلى هذه المجموعة، قم بإرسال بريد إلكتروني إلى
al3shq9@googlegroups.com
لإلغاء الاشتراك في هذه المجموعة، ابعث برسالة إلكترونية إلى
al3shq9+unsubscribe@googlegroups.com
لخيارات أكثر، الرجاء زيارة المجموعة على
http://groups.google.com/group/al3shq9?hl=ar?hl=ar
 
لشكاوي والاقتراحات راسلنا على الايميل
alsea7@gmail.com
 
الرسائل المطروحة لا تعبر عن رأي المجموعة بل تعبر عن رأي صاحبها
 
تفضلو بزيارتنا على موقع المجموعة
منتديات السياح العرب
www.alsea7.com
 
حيث نلتقي جميعا لنرتقي
وتقبلوا تحياتي الراقية لكم أحبتي