!™®§» ®مجموعة الابـــداع ®«§®™! محلات دايسو Daiso Japan

سَأَظَلُ أُحِبُكَ وإِنْ طَالَ إِنْتِظَاريْ .. فَإِنْ لَمْ تَكُنْ قَدَرِيْ .. فَقَدْ كُنْتَ إِخْتِيَارِيْ

هذآ آلغيــآب آللي خذآنـآ
.. على وين؟!

كل مع آلآيـآمـ عـآش بـ سكـآتـہ
نزعل .. ونتضـآيق ونبعــد .. وبعدين ؟
..{ كل يدور لـہ عذر في حيـآتـہ !
لو صـآحبــك عن دنيتك غـآب يومين
ومنك ولآ حتى آلمرآسيـل جـآتـہ
وعـآدي آذآ طـآل آلجفـآ فوق
~ شهــرين !
يمكن يموت ومـآدريت { بوفـآتـہ !

 

ااذا رسائلى تزعجكـ ... أتمنى إخبآرى

 



 

دايسو .. وما أدراك ما دايسو ؟   محلات دايسو daiso Japan   بسم الله الرحمن الرحيم اليوم حاكلمكم عن المحل الياباني المفضل عندي في السعودية والوحيد بعد ... هه ما صدقت على الله يجي الرياض !! Daiso Japan   كيف جا؟ ومن اللي متكرم علينا بهالمكرمة الامبراطورية ؟   هذا واحد ياباني اسمه هيروتاكي يانو عمره الحين 61 سنة .. من اكبر واشهر رجال الاعمال اليابانيين  و حاصل على جوائز كثييرة بسبب ابتكاره لمحلات دايسو اللي اشتهرت برخص بضاعتها بالرغم  من أنها كانت جدا جدا مميزة وغريبة و ذات جودة عاليه مره <<< لانها صناعه يابانية   هذا الرجال يا حلوين في سنة 77 كان يبيع مثل ما نقول ( بضاعه ابو ريالين ) من صندوق شاحنته ..  وكانوا الناس اللي يشترون منه يسألونه هذا بكم وهذا بكم وهذا بكم .. قام الولد تشتت مخه وقعد يفكر يقول ياليت  لو فيه محل كل البضاعه اللي فيه حلوة وبنفس السعر .. ومن هنا جات فكرة محلات دايسو .. شوفو المخمخة   طبعا اكيد اول ما افتتح كان باليابان في منطقة هيجاشي بهيروشيما بالسبعينيات وهالحين له اكثر من ثلاثة  الاف فرع في جميع انحاء العالم .. بما فيها الشرق الاوسط ..   طبعا السيد هيروتاكي اشترط انه تكون الاسعار في جميع الفروع رخيصة  وفي متناول الصغير قبل الكثير .. لذا ( هنا بالسعودية ) أسعارهم رخيصة بشكل .. يعني نص البضاعه مسعره بأسعار مختلفه تناسبها  واللي مو مسعر حتى لو كان كبيير يكون بسته ريال .. يعني اذا قلبتي الشي  اللي بيدك ولا لقيتي عليه سعر اعرفي انه بـ6 ريال بس ..   اول شي : انطباعي عن المحل اول ما دخلته ..   انا رحت لدايسو اللي هنا بالرياض اللي بالعثيم مول على طريق خريص .. ومن الحين اقولكم هالمحل ما ينفع تروحين له مرة وبس .. من كبره ومن كثر الاشياء اللي فيه لازم لك كم فره  فيه وكم جيه له .. مره كبير .. مرتب .. مصنفه الاشياء بلوح ارشادية .. يعني يقولك هنا ادوات التجميل  . هنا الاروما ثيربي والزيوت حقت المساج والخ .. وهنا اكسسوارات البيت و المطبخ وهكذا ...   ولا أول ما دخلت على طووول التفت على اللي قاعدين يبيعون .. كونتشيوااااااا .. ار يو جابانيز ؟ = هل انت ياباني ..؟   ناظرني وقال : سنغافوري ..   قلت وجع .. حسيت طاح وجهي ..   المهم .. الاشياء اللي فيه مرة مرة كثيرة وحلللللللللوة انقهرت جلست ساعتين فيه ما قدرت  افر فره كاملة من الزحمة اللي فيه .. كن الناس اول مرة يشوفون شي ياباني اعوذ بالله << علم نفسك يا معلم اصلا يبيلك ساعه وانتي تقلبين بالاشياء اللي فيه لين تكتشفين انه هالشي اختراع غريب يستخدم لحاجه  ما كنتي تعرفينها فتحسين هذيك اللحظة بغباء غبي ..     بس طبعا دايسو عن دايسو يفرق ... يعني اللي عندك بالرياض مو زي اللي عندك بدبي واللي بدبي مو زي اللي بالكويت   هنا رابط يوريك صور المحل بدبي : http://www.daisome.com/store.htm   هنا العناوين في حال حبيتي تزورينه .. مو لازم تشترين .. بس اتفرجي و اضمنلك راح تنبهرين مره   في السعودية : مكة / جيان .. KSA : Makkah Giant Store, Tel : +966 3 8591244   الأحساء / العثيم مول KSA : Al Hasa Al Othaim Mall Tel : +00966 3 5843250   الرياض / العثيم مول (خريص) KSA : Riyadh Al Othaim Mall Khurais Road, Al Nasim Tel : +00966 1 2338318   الدمام/ مجمع الشراع KSA : Dammam Al Shiraa City Centre 18th Street, King Fahad Road Tel : +00966 3 844004 المدينة المنورة / المنار بلازا KSA : Madina Al Mannar Plaza Tel : +00966 4 8170400   وهنا رابط لأماكن المحل في الدول الخليجية الاخرى و الدول العربية http://www.daisome.com/store-locations.htm   هنا صور كثيرة للمحل و من المحل و ايش هي في حال مخك ما استوعب الاختراع   المحل من برا في الدمام الظاهر     وهذا من داخل   ماسكات وكريمات للعيون والشعر من دايسو ( شكلها لحاله يفتح النفس )       لعبة أطفال حسابية وصعبه حبتين علينا يا اهل ( الكوكب الآخر ) خخخ   ادوات ومستحضرات تجميلية يابانية من دايسو          هذي ابيها من زمان ولا حصلتها :(   آآآآآآآآآآآآآآآ بينتو ... ابغى ابغى البينتو هو صندوق الغداء للطلاب اليابانيين كل طالب لازم يكون معاه واحد .. بتشوفوني ان شاء الله في الجامعه معي واحد و معي التشوبستيكس حقتي         هذي الصحون والصواني ترا مرة رخيصة في دايسو الرياض     الصحن بسته ريال اذا كان بلاستيك و الصينية ب12 ريال     وبسسسسسسسسسس   يبي لكم تروحون من جد .. لازم لازم     ^^v

 

.

__,_ظيم صورك وتحريرها باستخدام

--
                           قد لا أكون معكم
                                           لكن انتم معي
                                                      فبمحبتكم نحيآآآ

--~--~---------~--~----~------------~-------~--~----~
لقد تلقيت هذه الرسالة لأنك مشترك في مجموعات Google‏
مجموعة " الابــداع البريدية".
لإرسال هذا إلى هذه المجموعة، قم بإرسال بريد إلكتروني إلى
al3shq9@googlegroups.com
لإلغاء الاشتراك في هذه المجموعة، ابعث برسالة إلكترونية إلى
al3shq9+unsubscribe@googlegroups.com
لخيارات أكثر، الرجاء زيارة المجموعة على
http://groups.google.com/group/al3shq9?hl=ar?hl=ar

اتمنى لكم قضاء اجمل الاوقات ومشاركتنا بكل ماهو مفيد
-~----------~----~----~----~------~----~------~--~---