«---•}I|[مجموعة الابـداع]|I{•---» الضيقة ............................

   

الضيقة اللي تقلبني واقلبها...

عبد الله/ شاب متزوج وعنده أطفال....حالته المادية ممتازة ...مستقر .. عنده بعض المشاكل البسيطة....ودائما ما يردد خلاص أنا ما عاد اقدر أتحمل الناس ما فيهم خير...ما عاد اقدر اضغط على نفسي أكثر من كذا ..والله العظيم ودي أروح للمريخ واسكن لحالي..

سارة/ خريجة مثلها مثل اغلب البنات عاطلة وما تزوجت عايشه في بيت أبوها كل شي تحت يدها تأكل وتشرب وتنام وصحتها ممتازة...
ودايم ما تردد أنا خلاص ما عاد اقدر أتحمل أكثر من كذا ...قسم بالله ودي أروح المريخ واسكن لحالي...

صالح/شاب صالح (الله يصلح شباب المسلمين) حالته المادية ضعيفة ويبي يستقر ومو قادر ومو عارف ايش يسوي...ولسان حاله يردد دائما خلاص ما عاد اقدر أتحمل أكثر من كذا ...قسم بالله ودي أروح المريخ واسكن لحالي...


غدير/طالبة جامعية دايم تردد طفشانه متى نخلص دراسة متنا وحنا ندرس...وتردد نفس الاسطوانة . ما عاد اقدر أتحمل أكثر من كذا ...قسم بالله ودي أروح المريخ واسكن لحالي....

عبد الهادي/مصدوم في الناس كلهم وكل الناس جارحينه ..ويقول أنهم يستغلونه وان الدنيا ما فيها خير ...وبعد وده يروح للمريخ مع الشخصيات أعلاه...

منور/تشجع فريق دايم خسران و تزعل علشانهم ...ودايم تقول خلاص بجد ما عاد اقدر أتحمل ودي أروح المريخ واسكن لحالي...علشان تتهرب من مشجعين النادي المنافس ...








عبد الله وسارة وصالح و غدير وعبد الهادي ومنور وسعاد ونورة و سعد وخالد وأنت وأنتي وأنا وانتم وكلنا ....ظروفنا تختلف عن بعض وكل واحد عنده مشكله أو هم يخصه سواء كان صغير أو كبير....لكن كلهم اتفقوا على أنهم متضايقين من أنفسهم ومن اللي حواليهم ومن العالم كله...
وعلى فكرة ترى لو تروحون المريخ ما راح ترتاحون لأن بكل بساطة بتاخذون همومكم معكم...


شد انتباهي كثرة الهم والحزن كل بنت اكلمها اسمعها تتنهد من ضيقة الصدر ومن الهم والغم والإحزان ....صغار كنا أو كبار بنات أو شباب ...الكل ضايق صدره ....ماوده يكلم احد ...
ليش صدورنا ضاقت ليش الهم والإحزان ...

أكيد عندي أسبابي وأكيد عندكم أسبابكم وأكيد فيه ناس ما تعرف وش السبب؟؟

أنا توقعت بعض الأسباب من وجهة نظري اللي تضيق صدورنا واللي توسعها بعد...


كثير من البشر يسأل عن أسباب الحزن فيني:

1/ (ومن اعرض عن ذكري فإن له معشية ضنكا) نسأل الله العفو والعافية...

2/
سماع الشلات الحزينة و القصايد اللي تقطع القلب وبعد الأناشيد الحزينة ...وخصوصا البنات...إدمان مو طبيعي عليها ...ترى بجد تضيق الصدر.

3/الألوان .....سواء كان في لبسنا أو أثاثنا ...الأغلبية يفضل الأسود والأبيض والبني والرمادي والبيج...يرحم أمكم هذي الألوان تجيب الاكتئاب...بجد الألوان من نعم ربي علينا ليش نحرم أنفسنا منها ...وين الأزرق والأحمر والأصفر والأخضر والبنفسجي والزهر....

4/الفراااااااااااااااااااااااااااااغ ... اذا قمت من النوم و ما عندك شي تسويه أبدا .....تقوم نفسك تدور لها شغل تشغلك به و تجيب لك هم وغم ...(فهمتوا شي؟؟؟)

5/ منتخبنا السعودي...(لاتعليق)

6/ تناول البروتين والمواد الدهنية ليلا يؤدي إلى نوم مضطرب تشوبه كوابيس كما يولد مزاجا عكرا في صباح اليوم التالي...(معلومة علمية)

7/ الوحدة ....مو النادي!!! لا سبحان الله اذا جلس الإنسان لوحده تبدا نفسه توسوس له بالأفكار السيئة ...

8/بعض المسلسلات الخليجية اللي من تبدأ وهي تقص قصص واقعية لكن بمبالغة شديدة أحيانا ..والظلم والحزن والصراخ واليتم والأمور اللي تخلي الواحد تصكه ضيقة خلق ثلاث أيام ورى بعض...

9/نشرة الأخبار....

10/ الظلم.....لأنه ببساطة يا بتعيش بتأنيب ضمير أو بتصيبك دعوة في ظهر الغيب....




أمور بسيطة توسع الصدر بإذن الله:

1/السيروتونين...إيه....
هذا هرمون في الجسم يسمى هرمون السعادة...ويوجد في بعض أنواع الغذاء...مثل..
الفواكه والخضار والموز والأناناس والطماطم....

2/الأرز....إيه أمي تقوله ....وبصراحة طلع كلامها صحيح لما بحثت عنه ...يحتوي على (الميلاتونين) وهذا يمكن سر تعلق السعوديين بالكبسة...

3/النوم خلال الليل فقط....سبحان الله..

4/اللعب مع الأطفال....جربوا هالطريقة اذا حسيتوا بملل واكتئاب...سواء كوره أو حتى سوالف وأسئلة كبيرة واستمتعوا بالأجوبة...

5/التغيير ...اكسروا روتينكم بأشياء ما كنتم تسونها من قبل يعني اللي يقرأ القرآن بالليل ...يغير ويقرأه في النهار...اذا أنت تحب رأس أمك غير وحب يدينها...
غير المكان اللي تجلس فيه اذا فوق اجلس تحت أو العكس...

\6/الأعمال الصالحة مثل إدخال السرور على قلب مسلم ...بمنفعة أو صدقة أو ابتسامة...

7/الرياضة ثم الرياضة ثم الرياضة..

/العطوووووور.... هذي عن تجربة...وبعد الزعفران ...
ولا تهون حبيبة الملايييييين الشوكولاته بأنواعها وإشكالها...
والنعناع...رائحة النعناع ومنقوعة يريح الأعصاب بإذن الله...وبعد الزنجبيل...

9/سامحوا أنفسكم ..خلاص ترى اللي فات مات ...وحاولوا كل ما أخطيتم ..تتبعها بشي زين على طول...(اتبع السيئة الحسنة تمحها) أو كما قال الرسول صلى الله عليه وسلم..

اللهم لا تجعل الدنيا اكبر همنا ولا مبلغ علمنا ولا إلى النار مصيرنا يارب العالمين...
اللهم اشرح صدورنا ويسر أمورنا...




الضيقة اللي تقلبني واقلبها ....يالله عساها طواري ليل وتعدي

اللهم صل وسلم على محمد...

--
لقد تلقيت هذه الرسالة لأنك مشترك في مجموعة " الابــداع البريدية".
لإرسال هذا إلى هذه المجموعة، قم بإرسال بريد إلكتروني إلى
al3shq9@googlegroups.com
لإلغاء الاشتراك في هذه المجموعة، ابعث برسالة إلكترونية إلى
al3shq9+unsubscribe@googlegroups.com
لخيارات أكثر، الرجاء زيارة المجموعة على
http://groups.google.com/group/al3shq9?hl=ar?hl=ar
 
لشكاوي والاقتراحات راسلنا على الايميل
alsea7@gmail.com
 
الرسائل المطروحة لا تعبر عن رأي المجموعة بل تعبر عن رأي صاحبها
 
تفضلو بزيارتنا على موقع المجموعة
منتديات السياح العرب
 
www.alsea7.com
 
حيث نلتقي جميعا لنرتقي
وتقبلوا تحياتي الراقية لكم أحبتي