| 
لا تخاوي من على ابوه بـداك لا تفرح إن الوقـت أسعدك واعطاك لابــد مـا ســود اللـــــــيالي تبكيـــك
دنــــــيا تقلـــب علــها مـــاتــولاك تمسي عزيز وتصبح من الصعاليك
إلى اقبلت تخفي عيوبك عن اعداك وإلى ادبرت تظهـر عيوبك لاهاليـك
اغنم من صروف الدهر كانه امداك قبل اللحد عن ظاهر الارض يخفيك
وترى التشكي للمخاليق يشــنـاك يحط من قدرك و يفـرح امــعــاديـك
وكـثر التـشره يجعـل الناس تجـفاك ولا عــاد تلـقى بيـنهـم من يخـاويك
ولا تمادى في زعل من ترضــــاك مادام جاء عاني على شأن يرضيك
ولا تخــاوي من على ابوه بـــــداك هذاك وان طال الزمان يغدر فـيـــك
والـجـاهل احـذر لاتجـادلـه يـبلاك في كـلـمة بين الـمخاليـق تعـمـيــك
والهرجه العوجى لو أنه تنصــاك حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـواك مادام جاء بين المخاليق ناصيـــــك
واحـذر تـهـزا يـافتى بخلق مولاك تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جاك زودك ترى نقصٍ على حق ذوليـك
وخل القناعه ميزةٍ من مزايــــاك مـع الـقـناعـه كـل شـيٍ يـكـفـيـــك
وان جت لك الدنيا على غير مشهاك اصبر ترى بالصبر تدرك امانيـك
لا تأمن الدنيـا تـرى الوقـت فتــاك لجا القـدر كثـر الحـذر ما ينجيـــك
| 
No comments:
Post a Comment