«---•}I|[مجموعة الابـداع]|I{•---» نفسي أنسى وأنسى

 

 

 

 

تمتعوا بهذه القصيدة، إنها فعلاً من خير ما أعطى هذا الرجل:       نفسي أنسى وأنسى شعر أحمد فؤاد نجم     نفسى فى صنف حشيش نفسى فى صنف حشيش ينمل الدماغ وينظف النخاشيش علشان انسى طابور العيش واخش فى الغيبوبه وانسى مشكلة الانبوبه وأنسى بلدنا المنهوبه وانسى اللى بيجهزوه علشان يبقى رئيس للمخروبه وأبقى مسطول وأنسى أي مسئول من اللى سابوا الناس فى السيول وانسى ان نظيف اتجوز وبقى بيعول  وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور  وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث  والنيل اللى نازلين فيه تلويث وانسى ان منتخبنا كويس زى ما قال الرئيس وانسى  تصدير الغاز واحناعندنا ازمة بوتاجاز وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات  وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى ارضاع الكبير وشرب بول البعير وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك وتامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى الزمالك والاهلى وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى والضريبه العقاريه وانسى الطلعه الاولى الجويه والمصالحه الفلسطينيه وانسى  فتح وانسى حماس وانسى هنيه ومحمود عباس وانسى العراق وافغانستان وانسى ايران وانسى باكستان وانسى ماما سوزان وانسى الاخوان وانسى محمد ابراهيم سليمان وانسى ان حد من 0900 يطلع كسبان وانسى انى مديون وانسى كل ممثله حيزبون  بتاخد فى المسلسل كام مليون وانسى ايامنا السوده واحضان طنطاوى والبابا شنوده وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وأبقى الريس

 

--
لقد تلقيت هذه الرسالة لأنك مشترك في مجموعة " الابــداع البريدية".
لإرسال هذا إلى هذه المجموعة، قم بإرسال بريد إلكتروني إلى
al3shq9@googlegroups.com
لإلغاء الاشتراك في هذه المجموعة، ابعث برسالة إلكترونية إلى
al3shq9+unsubscribe@googlegroups.com
لخيارات أكثر، الرجاء زيارة المجموعة على
http://groups.google.com/group/al3shq9?hl=ar?hl=ar
 
لشكاوي والاقتراحات راسلنا على الايميل
alsea7@gmail.com
 
الرسائل المطروحة لا تعبر عن رأي المجموعة بل تعبر عن رأي صاحبها
 
تفضلو بزيارتنا على موقع المجموعة
منتديات السياح العرب
 
www.alsea7.com
 
حيث نلتقي جميعا لنرتقي
وتقبلوا تحياتي الراقية لكم أحبتي